| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 29.26 | Dem. 29.29 (English) | >>Dem. 29.33 |
29.28αὐτὸς μὲν γὰρ μάρτυρας ψευδεῖς παρεσκεύασται περὶ τούτων , συγχορηγὸν ἔχων Ὀνήτορα τὸν κηδεστὴν καὶ Τιμοκράτην · ἡμεῖς δʼ οὐχὶ προειδότες , ἀλλʼ ὑπὲρ αὐτῆς τῆς μαρτυρίας ἡγούμενοι τὸν ἀγῶνʼ ἔσεσθαι , τοὺς περὶ τῶν ἐκ τῆς ἐπιτροπῆς χρημάτων μάρτυρας οὐ παρεσκευάσμεθα νῦν . ὅμως δέ , καίπερ οὕτως τούτου σεσοφισμένου , τὰ πράγματʼ αὐτὰ διεξιὼν οἶμαι ῥᾳδίως ὑμῖν ἐπιδείξειν δικαιότατʼ ἀνθρώπων τοῦτον ὠφληκότα τὴν δίκην ,
29.29οὐχ ὅτι τὸν Μιλύαν ἐκώλυον βασανίζειν , οὐδʼ ὅτι τοῦτον ἐλεύθερον ὡμολόγησεν , οἱ δὲ μάρτυρες οἵδʼ ἐμαρτύρησαν , ἀλλʼ ὅτι πολλὰ τῶν ἐμῶν ἐξηλέγχθη λαβὼν καὶ τὸν οἶκον οὐκ ἐμίσθωσεν τῶν νόμων κελευόντων καὶ τοῦ πατρὸς ἐν τῇ διαθήκῃ γράψαντος , ὡς ἐγὼ σαφῶς ὑμῖν ἐπιδείξω · ταῦτα μὲν γὰρ ἦν πᾶσιν ἰδεῖν , οἱ νόμοι καὶ τὸ πλῆθος ὧν οὗτοι διηρπάκεσαν χρημάτων · τὸν Μιλύαν δʼ οὐδʼ ὅστις ἔστιν οὐδεὶς ᾔδει . γνώσεσθε δʼ ἐκ τῶν ἐγκεκλημένων ὅτι ταῦθʼ οὕτως ἔχοντʼ ἐστίν .
ἐγὼ γάρ , ὦ ἄνδρες δικασταί , τὴν δίκην ἔλαχον τούτῳ τῆς ἐπιτροπῆς οὐχ ἓν τίμημα συνθείς , ὥσπερ ἂν εἴ τις συκοφαντεῖν ἐπιχειρῶν , ἀλλʼ ἕκαστον ἐγγράψας καὶ πόθεν λαβὼν καὶ πόσον τὸ πλῆθος καὶ παρὰ τοῦ , καὶ οὐδαμοῦ τὸν Μιλύαν παρέγραψʼ ὡς εἰδότα τι τούτων .
29.31ἔστιν οὖν τοῦ μὲν ἐγκλήματος ἀρχή “τάδʼ ἐγκαλεῖ Δημοσθένης Ἀφόβῳ · ἔχει μου χρήματʼ Ἄφοβος ἀπʼ ἐπιτροπῆς ἐχόμενα , ὀγδοήκοντα μὲν μνᾶς , ἣν ἔλαβεν προῖκα τῆς μητρὸς κατὰ τὴν διαθήκην τοῦ πατρός .” τοῦτο πρῶτόν ἐστιν τῶν χρημάτων ὧν ἀπεστερῆσθαί φημι . τοῖς δὲ μάρτυσιν τί μεμαρτύρηται ; “μαρτυροῦσιν παραγενέσθαι πρὸς τῷ διαιτητῇ Νοθάρχῳ , ὅτε Ἄφοβος ὡμολόγει Μιλύαν ἐλεύθερον εἶναι , ἀφεθέντα ὑπὸ τοῦ Δημοσθένους πατρός .”
29.30
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 29.26 | Dem. 29.29 (English) | >>Dem. 29.33 |
